Learn English as a Netizen

#ELT #CPD #CELTA #TeacherTraining (" ငြိမ်းချမ်းပါစေ မြန်မာပြည် ") ဟိုတစ်နေ့က ရေမွန်ဆိုလား ကွယ်လွန်တဲ့အကြောင်း ကြားရတော့ ဘာဘာညာညာ မသိဘဲ Like & Sad တွေ နှိပ်လိုက်ရတယ်။ နောက်မှ အကျိုးအကြောင်းလေးတွေ လိုက်ဖတ်ဖြစ်တယ်။ ကိုယ်သိတာက ရေမွန်မာဖီ(Raymond Murphy) တစ်ယောက်တည်းရယ်။ ဟိုတစ်ခါတုန်းကလည်း ကံသစ်ရွာက ကလေးတွေနဲ့ တွေ့တော့ ရွှေမင်းသမီး-ဆိုလား ပြောတာ ကြားရတယ်။ အဲဒါ ဘာလဲဟ-လို့ မေးတော့ မင်းသမီး-လေတဲ့။ အော် ဟုတ်လား-လို့ ကိုယ်က ပြန်မေးရတဲ့အဖြစ်။ ကိုယ့်ကိစ္စနဲ့ကိုယ်-ဆိုတာက ကြွားဖို့ စာအုပ်တွေ စုဖြစ်တဲ့အကြောင်းပါ။ စာအုပ်ထဲက အသိတရားတွေက ဦးနှောက်ထဲ ရောက်/မရောက် မသေချာပါဘူး။ ဒါတင်မက အပြောတွေ၊ အရေးတွေနဲ့ ထုတ်ကြွားနိုင်မလားဆိုတာလည်း မသေချာပါဘူး။ အဲ... စာအုပ်တွေကတော့ ဝယ်ထားပြီး/ပရင့်ထုတ်ထားပြီးရင် စာအုပ်စင်မှာ အခန့်သား ကြွားလို့ရတာကိုး။ ဟုတ်တာ မဟုတ်တာ အပထား၊ လူ ရှိန်တာပေါ့ နော။ ကဲ ထားပါတော့။ လက်တလော ပျင်းပျင်းရှိတာနဲ့ မျှော်မော ငေးနေရတဲ့ CELTA အကြောင်း လိုက်ဖတ်တော့ ဖတ်သင့်တဲ့ စာအုပ်တွေဆိုပြီး ညွှန်းထားတာတွေ တွေ့ရပါတယ်။ တချို့စာအုပ်တွေက ကိုယ့်ဆီမှာ နဂိုကတည်းက ပရင့်ထုတ်ပြီးသား၊ ရှိပြီးသားတွေ။ စ...

#EMI #CPD #TeacherTraining " ငြိမ်းချမ်းပါစေ မြန်မာပြည် "လို့ အရင်ဆုံး ဆုတောင်းပါတယ်။ ဗုဒ္ဓဘာသာ အခမ်းအနားတွေ စတဲ့အခါ 'နမော တဿ'နဲ့ အစချီလေ့ရှိသလို Feb 1 နောက်ပိုင်းကတည်းက "ငြိမ်းချမ်းပါစေ မြန်မာပြည်"လို့ ဆုတောင်းရတာလည်း အခါခါ။ " ဆု မတောင်းလင့်၊ အမှောင်ထုက လင်းလာလိမ့်မည် မဟုတ် "ဆိုတဲ့ The Light of Asia ဘာသာပြန်ကလည်း ဦးနှောက်ကို တဆွဆွ။  ဒီအချိန်မှာ ဘာစာမှ မရေးဖို့ ဆုံးဖြတ်ထားပေမဲ့ ကိုယ်တစ်ယောက်တည်း ပျင်းလာတော့လည်း မနေနိုင်တော့လို့ပါ။ ကဲ၊ ထားပါတော့။ ငြိမ်းချမ်းပါစေ မြန်မာပြည်။ EMI အကြောင်းကို လွန်ခဲ့တဲ့ ၂၀၁၈/၂၀၁၉ လောက်တုန်းက စ ကြားဖူးတာပါ။ ဘာသာရပ်ကိုတွေကို English Medium နဲ့ သင်တဲ့အကြောင်း။ (Content + Language နှစ်မျိုးလုံး သင်ပေးတဲ့ CLIL ကို ပြောတာ မဟုတ်ပါဘူး။) ကိုယ်တို့ဆီမှာ Buddhist Studies ပိုင်းတွေကို သင်ပေးတာတွေ ရှိနေတာမို့ အကျိုးအကြောင်း သိရအောင် အင်တာနက်ပေါ် ရှာကြည့်မိတော့ Cambridge က ပို့ချတာတစ်ခုလောက်ပဲ သိသိသာသာ တွေ့ရပါတယ်။ တခြားနေရာတွေမှာ ပို့ချပေးတာ မတွေ့ရပါဘူး။ ကိုယ် မနှံ့စပ်တာလည်း ဖြစ်နိုင်ပါတယ်။ ဒါတောင်မှ ပညာရေးအဖွဲ့အစည်းတစ်ခုက တောင်းဆို...

#Level #Test #Study #IELTS #A1 #A1+ #A2 #A2+ #B1 #B1+ #B2 #B2+ #C1 #C1+ #C2 #C2+ IELTS/TOEFL/TOEIC/Cambridge Exam/PTE တွေ ဖြေဖို့ ပြင်ဆင်တဲ့အခါ ကိုယ့် Level လောက် မမြင့်တဲ့ စာအုပ်တွေနဲ့ လေ့ကျင့်နေရင် သိပ်ပြီး ထူးခြားလာမှာ မဟုတ်ပါဘူး။ အမြင့်ကို ရောက်ချင်ရင် အထက်ကို တက်ရမှာပါ။ ဆိုတော့ အမှန်က ကိုယ့် Level နဲ့ ကိုက်ညီတဲ့၊ ကိုယ့် Level ထက် တစ်ဆင့်ပဲ ပိုမြင့်တဲ့ (ဥပမာ- ကိုယ်က B1 ဆိုရင် B1+ ဒါမှမဟုတ် B2) စာအုပ်တွေနဲ့ လေ့ကျင့်ဖို့ အတော်လေး အရေးကြီးပါတယ်။ ဒါမှပဲ ကိုယ့်အရည်အသွေးက အဆင့် မြင့်လာမှာပါ။ ဒါကို သတိတရ ပြောရတာကတော့ တစ်ခါတုန်းက ဆရာမတစ်ဦးနဲ့ ကြုံဖူးပါတယ်။ သူ့ဆီက အကူအညီတောင်းစရာရှိလို့ စကားစပ်မိကြရင်း သူက သူ့ဆီမှာ ရှိတဲ့ IELTS စာအုပ်တွေကို ကိုယ်အသုံးကျရင် ယူဖို့ ပြောပါတယ်။ အဲဒီအချိန် သူရောကိုယ်ရော B1+ ဒါမှမဟုတ် B2 ထဲ ရောက်နေပါပြီ။ (အခုလည်း B2+ လောက်တော့ ရှိကောင်းပါသေးရဲ့။) ဒါပေမဲ့ သူ ပြတဲ့ စာအုပ်တွေက A2+ / B1 လောက်ပဲ ရှိနေပါတယ်။ သူက ဒါကို သတိမပြုမိပါဘူး။ ကိုယ်ပြောမှ သူလည်း သတိထားမိသွားတာပါ။ ကိုယ် မပြောမိရင် သူ့ခမျာ လွယ်တဲ့ စာအုပ်တွေနဲ့ပဲ "ငါ တယ်တော်နေပါလား"လို့ ထင်နေရှာမှာပါ။ ကဲ ...

  #B2 #B2+ #C1 #C1+ #C2 #C2+ #IELTS #Reading #Vocabulary #Authentic #Improve #Lexis #Habits English စာ တိုးတက်ဖို့အတွက် Authentic Material တွေကိုလည်း ဖတ်ဖို့ လိုအပ်တဲ့အကြောင်း " စာအုပ်အညွှန်း ၁ "တုန်းက ရေးခဲ့ပါသေးတယ်။ Coursebook လောက်နဲ့ပဲ ကျေနပ်နေရင် စုံလင်မှာ မဟုတ်လို့ပါ။ ဒါနဲ့ ပတ်သက်ပြီး တွေ့ခဲ့ဖူးတဲ့ ပန်းချီသင်တန်း ကာတွန်းလေးတစ်ခုအကြောင်း ပြောပါဦးမယ်။ ကာတွန်းရဲ့ ပထမကွက်မှာ အဝိုင်းကို ဘယ်လိုရေးရတယ်လို့ ပြထားပါတယ်။ ဒုတိယအကွက်ကျတော့ လေးထောင့်တွေကို ဘယ်လို ဆွဲပါပေါ့။ အဲဒီလိုနဲ့ ရိုးရှင်းတဲ့ နည်းစနစ်လေးတွေ ပြသွားလိုက်တာ ဟုတ်နေတာပဲ။ "လွယ်သားပဲဟ"လို့ စိတ်ထဲ ထင်မိတာပေါ့။ ဒီလိုနဲ့ နောက်ဆုံးတော့ လက်တွေ့လေ့ကျင့်ခန်း လုပ်ရမဲ့အလှည့် ရောက်လာပါတယ်။ အဲဒီမှာကျတော့ မိုနာလီဇာပန်းချီကားကို ပြထားပြီး "ပုံတူ ဆွဲပါ"တဲ့။ ကဲ။ ;-( ;-( အဲဒီလိုပါပဲ။ Coursebook တွေလောက်နဲ့ ပြည့်စုံပြီ ထင်ရင်တော့ နောက်ဆုံးမှာ မိုနာလီဇာပုံကို ပုံတူ ဆွဲပြပါဆိုတဲ့ အဖြစ်မျိုးနဲ့ အဆုံးသတ်ရကောင်း သတ်သွားနိုင်ပါတယ်။ ဒါ့ကြောင့် Authentic Material တွေကို တတ်နိုင်သလောက် များများ ဖတ်ထားလေ၊ (နားထောင်ထားလေ) ကော...

https://www.lexicallab.com/2021/05/how-the-other-half-lives/ Lexical လို့ အသံကြားလိုက်တာနဲ့ Michael Lewis ကို ပြေးမြင်မိကြဖို့ များပါတယ်။ ဒီ Website ဟာ Lexical Approach ကို မူတည်ထားပြီး ELT ကိစ္စတွေ လုပ်ဆောင်နေတာ တွေ့ရပါတယ်။ Innovation, Outcome အစရှိတဲ့ Coursebook တွေလည်း ထုတ်ပါသေးတယ်။ ELT Teacher တွေအတွက် Online Course တွေလည်း ရှိပါတယ်။ သင်တန်းကြေးတွေကတော့ တစ်နာရီ ဘလာဘလာဘလာ။ ;-) အခုလို ဆောင်းပါးတွေကိုလည်း အလျဉ်းသင့်တိုင်း တင်ပေးထားပါတယ်။ B2+ လို့ ဆိုပေမဲ့ ဖတ်ရတာ နည်းနည်း ခက်ခဲသလို ထင်မိပါတယ်။ ကိုယ်တိုင်ပဲ ခံစားကြည့်ပါ။ #B2+ #IELTS #Reading #Lexicallab #LexicalApproach #Vocabulary 1A. how the other half lives = the way that people who are much richer or poorer than you spend their lives; (humorous) sth people say when they see or hear about the lives of people who are richer than them; the way of life of a different social group, especially one much richer than you 1B. bucket down (v) (UK, informal) to rain heavily It's bucketing down. It's absolutely bucketing down. It's b...