ဟိုနေ့ကပဲ Youtube မှာ ရှာဖွေကြည့်ရင်း စပိန်?က ဆရာမတစ်ယောက်ရဲ့ Lexical resource ဆိုင်ရာ အကြံပြုချက်တစ်ခုကို ကြည့်လိုက်ရပါတယ်။ ကြည့်တာတွေ များသွားတာကြောင့် Link ကို တိတိကျကျ မညွှန်းတော့ပါဘူး။ သူပြောတာတွေက တခြားဆရာ/မတွေ ပြောတာနဲ့ သဘောတရား ခပ်ဆင်ဆင်ပါပဲ။ သူက အခု ပြထားတဲ့ ပုံမျိုးနဲ့ ပြောသွားတာပါ။ ကျောင်းသူ/သား အတော်များများမှာ ရှိနေတဲ့ Lexical resource ပမာဏက စက်ဝိုင်းအကြီးလောက် ရှိပါသတဲ့။ အဲဒါက Receptive skill အနေနဲ့ ရှိနေတဲ့ ပမာဏကို ပြောတာပါ။ Listening & reading လုပ်တဲ့အခါ/ ကြားလိုက်ရင်၊ မြင်လိုက်ရင် သိနိုင်တဲ့ ပမာဏပါ။ ခက်တာက အဲဒါတွေ အကုန်လုံးကို Productive skill အနေနဲ့ ထုတ်သုံးလို့ မရတဲ့ ပြဿနာပါတဲ့။ Productive skill အနေနဲ့ သုံးနိုင်တဲ့ ပမာဏကတော့ အတွင်းက စက်ဝိုင်း အငယ်လောက်ပဲ ရှိပါသတဲ့။ Speaking & writing လုပ်ရင် သုံးနိုင်တဲ့ ပမာဏက အတော်လေး နည်းတဲ့ သဘောပါ။ ဒီတော့ Lexical resource ပိုင်းမှာ ရမှတ် နည်းသွားကြတာပါတဲ့။ ဒီတော့ Lexical resource ပိုင်းမှာ အမှတ်ကောင်းကောင်း ရချင်တဲ့ ကျောင်းသူ/သားတွေက တစ်နည်းတစ်ဖုံ ကြိုးစားကြပါသတဲ့။ သူတို့ ကြိုးစားပုံကတော့ "ငါတို့ရဲ့ Lexical resource က...