Skip to main content

Writing လေ့ကျင့်တဲ့နည်း ၃ နည်း

#Writing #Improve #IELTS #Skills

၁။ လူတော်နည်း
၂။ လူပျော်နည်း
၃။ လူပျင်းနည်း-ဆိုပြီး ကိုယ့်စိတ်ကူးနဲ့ကိုယ် ၃ နည်း ခွဲထားပါတယ်။ ဘယ်သူမှ သတ်မှတ်ပေးတာ မဟုတ်ပါဘူး။ ကိုယ်ကိုယ်တိုင် သုံးဖူးတဲ့ နည်းတွေပါ။

၁။ လူတော်နည်း

ဒါကတော့ ကိုယ်ဖြေမဲ့ စာမေးပွဲရဲ့ အချိန်သတ်မှတ်ချက်အတိုင်း ဖြေဆိုကြည့်ပြီး ပြင်ဆင်တဲ့ နည်းပါ။ ၂ ပိုင်း ပါတယ်လို့ ပြောရပါမယ်။

နမူနာ ပြောရရင် IELTS Writing Task 2 ဟာ အချိန်အားဖြင့် မိနစ် ၄၀ စာ သတ်မှတ်ပါတယ်။ ဒီတော့  IELTS Writing Task 2 ကို လေ့ကျင့်တဲ့အခါ မိနစ် ၄၀ အတိအကျ သတ်မှတ်ထားပြီး အဲဒီအချိန်အတွင်း အပြီးအပြတ် ဖြေဆိုတာပါ။ အချိန်ပို မယူပါဘူး။ အဘိဓာန် မသုံးပါဘူး။ ကြားဖြတ် နားနေတာမျိုး မလုပ်ပါဘူး။ ဒီနည်းလမ်းကို စာမေးပွဲ  ဖြေကာနီးသူတွေ လေ့ကျင့်ကြပါတယ်။ Exam Timeframe အတိုင်း ဖြေနိုင်အောင် ကြိုးစားကြတာပါ။

ဖြေဆိုပြီးတဲ့အခါ တကယ် လေ့ကျင့်ကြသူတွေမှာတော့ ဆရာတွေက စစ်ဆေးပေးပြီး ကိုယ်ရနိုင်လောက်တဲ့ အမှတ်ကို ပြောပြပေးပါတယ်။ ဒါတင်မက ပြင်ဆင်ချက်၊ ဖြည့်စွက်ချက် လိုအပ်တာတွေကိုလည်း ပြောပြပေးပါတယ်။ ဒါမှမဟုတ် စစ်ပေးမဲ့ ဆရာ/ကိုယ့်ထက်တော်သူ မရှိဘူးဆိုရင်တော့ ကိုယ့်ဘာသာ ပြန်စစ်ပြီး ကိုယ်တိုင်ပဲ လိုအပ်ချက်တွေကို ဖြည့်စွက်ပြင်ဆင် လေ့ကျင့်ပါတယ်။ ပြင်ဆင်လေ့ကျင့်တဲ့အခါမှာတော့ ဒုတိယနည်းဖြစ်တဲ့ 'လူပျော်နည်း'ကို သုံးရမှာပါ။

အကျဉ်းချုပ် ပြောရရင် အရင်ဆုံး Exam Format & Timeframe အတိုင်း လေ့ကျင့်ပြီးတဲ့နောက် လူပျော်နည်းကိုပါ လေ့ကျင့်တာကို လူတော်နည်းလို့ ပြောတာပါ။ စာမေးပွဲ ဖြေကာနီးရင် ဒီနည်းလမ်းကို မဖြစ်မနေ သုံးရမှာပါ။ စာမေးပွဲနဲ့ ဝေးနေသေးရင်လည်း သုံးနိုင်ပါတယ်။

၂။ လူပျော်နည်း

ဒီနည်းလမ်းက ကိုယ်နဲ့ သက်ဆိုင်တဲ့ မေးခွန်းကို ဖတ်ပြီး 'အချိန် သတ်မှတ်ချက် မထားဘဲ' ဖြေတဲ့ နည်းပါ။ အချိန် များများ ယူတဲ့ နည်းပါ။ (ဒါပေမဲ့ စာလုံးရေ ၂၅၀ လောက်အတွက် ၂ ရက် ၃ ရက်လောက် အချိန် ယူနေတာတော့ မကောင်းဘူးပေါ့လေ။) အချိန် များများ ယူတဲ့အတွက် အိုင်ဒီယာတွေ ပိုထွက်လာအောင်၊ အကောင်းဆုံးရေးဟန် ရအောင် လုပ်တာလည်း ပါပါတယ်။ ဒါတင်မက အဘိဓာန်တို့ သဒ္ဒါစာအုပ်တို့ကို အသုံးပြုပြီး အသုံးအနှုန်းတွေ မှန်ကန်အောင် ပြင်ဆင်မှုလည်း ပါရပါတယ်။ စာမေးပွဲနဲ့ ဝေးသေးတဲ့အချိန်မှာ ဒီနည်းလမ်းကို သုံးနိုင်ပါတယ်။ ဒီနည်းကို သုံးတဲ့အခါ ပြန်ပြီး ပြင်ဆင်ရတာမျိုး နည်းပါတယ်။ ကိုယ်က အချိန်ယူပြီး ရေးတာမို့ နောက်ထပ် ပြန်လည် ပြင်ဆင်ဖို့ မလိုအပ်တော့ပါဘူး။ ဒါပေမဲ့ တတ်နိုင်ရင်တော့ ပြန်လည် ပြင်ဆင်တာက အရည်အသွေး ပိုထက်စေပါတယ်။ သတိရလို့ ပြောရရင် မန္တလေးက IELTS ဆရာမတစ်ယောက်ဟာ စာတစ်ပုဒ်ကို ၃ ကြိမ် စစ်ဆေးပေးပါသတဲ့။ ရေးခိုင်းလိုက်၊ စစ်ပေးလိုက်၊ Feedback ပေးလိုက်နဲ့ ကောင်းနိုင်သမျှ ကောင်းအောင် ပြင်ဆင်ပေးတာလို့ ဆိုပါတယ်။ ဒါ့ကြောင့် ဟိုတုန်းက သူ့အတန်းတွေမှာ တစ်တန်းကို ကျောင်းသား ၅ ဦးလောက်ပဲ လက်ခံတယ်လို့ သိရပါတယ်။ အခုတော့ မပြောတတ်ပါ။

၃။ လူပျင်းနည်း

ဒါကတော့ စာမေးပွဲနဲ့ ဝေးတဲ့ကာလ၊ စာမေးပွဲအတွက် စိတ်ကူးပေမဲ့ ဖြေဖို့တောင် စိတ်မကူးသေးတဲ့ကာလမှာ အိုင်ဒီယာတွေ ရအောင်၊ ပြီးတော့ ရေးဟန်(ရေးသားနည်းစနစ်)ကိုလည်း သိအောင် လေ့လာတဲ့နည်းပါ။ အဲဒါကတော့ သူများတွေ ဖြေထားတဲ့ အဖြေတွေကို ကူးရေးရင်း ဖတ်သွားတာပါ။ ဟုတ်ပါတယ်၊ ကူးရေးရင်း ဖတ်သွားတာပါ။ ကူးရေးတာက တွေးချိန် ပို ရစေပြီး မူရင်း ရေးသူရဲ့ အိုင်ဒီယာတွေ၊ ရေးဟန်တွေကို ပိုမို သတိထားမိစေပါတယ်။ လိုအပ်ရင် အဘိဓာန်သုံးပြီး မသိတဲ့ စကားလုံးတွေကိုလည်း လေ့လာဖို့ လိုပါတယ်။ တကယ်ကျတော့ ဒီနည်းလမ်းမှာ ကိုယ့်ဘက်က အားစိုက်တာ နည်းပါတယ်။ သူများရေးထားတာကို ကူးတာလောက်ပါပဲ။ ဒါ့ကြောင့်လည်း  လူပျင်းနည်းလို့ ခေါ်လိုက်တာပါ။ လူပျင်းနည်းဆိုပေမဲ့ ဘာမှ မလုပ်တာထက်စာရင်တော့ အများကြီး အသုံးကျပါတယ်။ တချို့ စာရေးဆရာတွေဆိုရင် သူတို့ လေးစားအားကျတဲ့ စာရေးဆရာတွေရဲ့ စာတွေကို ဒီ'လူပျင်းနည်း'နဲ့ လေ့လာလေ့ ရှိကြပါသတဲ့။ ဓာတ်ကူးတဲ့သဘောလို့ ဆိုကြပါစို့။

ဒီထဲက ကိုယ်ကြိုက်တဲ့ နည်းကို သုံးပါ။ ထိုင်နေတာထက်စာရင် ထသွားလိုက်တာက ပိုပြီး ခရီးတွင်စေပါတယ်။ စကားမစပ် ဒီပို့စ်ကို လူပျော်နည်းနဲ့ ရေးထားပါတယ်။

ငြိမ်းချမ်းပါစေ မြန်မာပြည်
အေးချမ်းပါစေ ကမ္ဘာမြေ

A batch 7th TESOLer
Mandalay TESOL Centre

Labels:

Comments

Post a Comment

Popular posts from this blog

US Jobless Rate Rises While Job Growth Slows (Business)

By VOA News https://www.voanews.com/usa/us-jobless-rate-rises-while-job-growth-slows #C2+ #IELTS #Reading #VOA #Business 1. Nonfarm (adj) relating to economic activities not associated with farming 2. Payroll (n) (A) a list of people employed by a company showing the amount of money to be paid to each of them We have 500 people on the payroll. Manufacturing payrolls have dropped by 16,000. (B) (usually singular) the total amount paid in wages by a company The firm is growing fast with a montly payroll of $1 million. They have an annual payroll of #23 million. 3. Modest (adj) not very large, expensive, important, etc. modest improvement/reforms He charged a relatively modest fee. a modest little house The research was carried out on a modest scale. The party made modest gains in teh elections, but nothing like the huge gains that were predicted. a modest increase in costs She had saved a modest amount of money. 4. Revise (v) to change sth because of new information or ideas The college ...
Post a Comment
Read more

ကိုယ့်ရဲ့ English Level ကို ဘယ်လို စစ်ကြည့်မလဲ

#Level #Test #Study #IELTS #A1 #A1+ #A2 #A2+ #B1 #B1+ #B2 #B2+ #C1 #C1+ #C2 #C2+ IELTS/TOEFL/TOEIC/Cambridge Exam/PTE တွေ ဖြေဖို့ ပြင်ဆင်တဲ့အခါ ကိုယ့် Level လောက် မမြင့်တဲ့ စာအုပ်တွေနဲ့ လေ့ကျင့်နေရင် သိပ်ပြီး ထူးခြားလာမှာ မဟုတ်ပါဘူး။ အမြင့်ကို ရောက်ချင်ရင် အထက်ကို တက်ရမှာပါ။ ဆိုတော့ အမှန်က ကိုယ့် Level နဲ့ ကိုက်ညီတဲ့၊ ကိုယ့် Level ထက် တစ်ဆင့်ပဲ ပိုမြင့်တဲ့ (ဥပမာ- ကိုယ်က B1 ဆိုရင် B1+ ဒါမှမဟုတ် B2) စာအုပ်တွေနဲ့ လေ့ကျင့်ဖို့ အတော်လေး အရေးကြီးပါတယ်။ ဒါမှပဲ ကိုယ့်အရည်အသွေးက အဆင့် မြင့်လာမှာပါ။ ဒါကို သတိတရ ပြောရတာကတော့ တစ်ခါတုန်းက ဆရာမတစ်ဦးနဲ့ ကြုံဖူးပါတယ်။ သူ့ဆီက အကူအညီတောင်းစရာရှိလို့ စကားစပ်မိကြရင်း သူက သူ့ဆီမှာ ရှိတဲ့ IELTS စာအုပ်တွေကို ကိုယ်အသုံးကျရင် ယူဖို့ ပြောပါတယ်။ အဲဒီအချိန် သူရောကိုယ်ရော B1+ ဒါမှမဟုတ် B2 ထဲ ရောက်နေပါပြီ။ (အခုလည်း B2+ လောက်တော့ ရှိကောင်းပါသေးရဲ့။) ဒါပေမဲ့ သူ ပြတဲ့ စာအုပ်တွေက A2+ / B1 လောက်ပဲ ရှိနေပါတယ်။ သူက ဒါကို သတိမပြုမိပါဘူး။ ကိုယ်ပြောမှ သူလည်း သတိထားမိသွားတာပါ။ ကိုယ် မပြောမိရင် သူ့ခမျာ လွယ်တဲ့ စာအုပ်တွေနဲ့ပဲ "ငါ တယ်တော်နေပါလား"လို့ ထင်နေရှာမှာပါ။ ကဲ ...
Post a Comment
Read more

ဘာသာစကားတစ်ခုကို သင်တဲ့အခါ ခြွင်းချက်ထားလို့ မရ။ အကုန် သင်ရမယ်။

TOEFL/IELTS/Cambridge Exams/PTE အစရှိတဲ့ ဘာသာစကား စာမေးပွဲတွေ ဖြေခဲ့သူတွေနဲ့ စကားပြောတဲ့အခါတိုင်း အထက်က စကားကို ကြားရလေ့ ရှိပါတယ်။ အဲဒီအချိန်တွေတုန်းက သိပ်ပြီး သတိမထားမိပါဘူး။ ဒါပေမဲ့ ကိုယ်တိုင် ဖြေပြီးတဲ့နောက်မှာ အဲဒီစကားက အတော်လေး မှန်တယ်ဆိုတာကို သိလာရပါတယ်။ ကိုယ်ပိုင် တွေ့ကြုံပြီးပြီဆိုတော့ နောက်လူတွေ ထပ် မမှားသင့်တဲ့ အမှားတွေဖြစ်လို့ ပြောပါရစေဦး။ ကိုယ်တိုင် အင်္ဂလိပ်စာတွေ သင်ယူတဲ့အခါမှာရော၊ ဆရာဖြစ်လို့ သင်ပေးတဲ့အခါမှာပါ တချို့ အကြောင်းအရာတွေကို မသိမသာရော၊ သိသိသာသာပါ ချန်ထား၊ ကျော်ထားခဲ့လေ့ ရှိခဲ့ပါတယ်။ "ဒါတွေကတော့ ငါ ပြောဖြစ်မှာ မဟုတ်ပါဘူး"ဆိုတဲ့ စိတ်ထားနဲ့ ခြွင်းချက် ထားခဲ့တာတွေပါ။ ကိုယ်တွေ့ ဥပမာ ပြရရင် - အစားအသောက်၊ ဟိုတယ်၊ အဝတ်အစား စသည်ဖြင့်။ ကိုယ်ကိုယ်တိုင်က အဲဒီအကြောင်းအရာတွေကို စိတ်မဝင်စားတာကြောင့်ရော၊ အဲဒါမျိုးတွေ ပြောနေတာ/ရေးနေတာတွေကို ကလေးကလားဆန်တယ်ဆိုတဲ့ အတွေးကြောင့်ရော ချန်လှပ်ထားခဲ့မိတာပါ။ တကယ်ကျတော့ အဲဒါ အမှားကြီး မှားပါတယ်။ ပြီးခဲ့တဲ့ IELTS စာမေးပွဲ ဖြေမလို့လုပ်တုန်း Speaking ပိုင်းတွေ လေ့ကျင့်တဲ့အခါ 'ဟိုတယ်'အကြောင်း ပြောဖို့ ပါလာပါတယ်။ ကိုယ့်မှာက အဲ...
Post a Comment
Read more